Өөвүстүң чырыткызы,
Өртээ турбас ынакшылдың ховар белээ,
Оол уруг чаяаттынган шак ол хүнүвүс
Онза хун боор – шагнын чаазы, Шагаа бүдүүзү февральдың бирээ!!!
Ам бо хүнде 12 харны харлап турар,
Адазының салгакчызы, авазының хензигбейи,
Акызының, угбазының, дунмазының чоргааралы,
Артык ынак оглувус — Өнэр-Чимэх!!!
Өөр - өнер эштиг - өөрлүг
Өөрзүрек, төрелзирек чорзун дигеш
ӨНЭР диген!!!
Хая-даш дег бузулбас,
Кезээде-ле быжыг тура соруктуг чорзун дигеш
ЧИМЭХ диген!!!
Өнэр-Чимэх, оглувус, өөрүшкүвүс,
Өртээ турбас эртиневис, чоргааралывыс!!!
Шак бо магаданчыг хүнде
Чырык чаагай өртемчейге бодараан,
Чырыткылыг төрүттүнген хүнүң-биле
Шупту сеңээ байыр тудуп,
Чуртталганың бүгү-ле бар каазын сөңнеп,
Чайынналчак келир өйнү йөрээп тур бис, оглум Өнэр-Чимэх!!!
Адаан-мөөрей хүрештерге,
Аңдарылбас, кашпагай бол!
Арат-чонга хүндүткелдиг
Алдар аттыг хамааты бол, оглум!!!
Өгбелерден дамчып келген угуң салбайн,
Өөредилгең чедиишкиннери көвей болзун!
Шыдыраага ам-даа эки ойнап чору,
Шыдаар сен, оглум, бүзүрээр бис!!!
Төрүттүнген хүнүң-биле, ынак оглувус ӨНЭР-ЧИМЭХ!!!
Чогаатканы: 09:43мин. 01.02.2023ч, среда, Кызыл хоорай.
